Mam Laurent a Michel

Zesummen ee kreatiivt Rezept aus Liewensmëttel-Rechter erfannen.
A jidderengem vun eis stécht ee kreative Kach an ee Gourmet. Hues du dir nach ni d’Fro gestallt, wat s du mat denge Reschter vu Liewensmëttel, wéi zum Beispill Muerten, Gromper, Ënnen, Produiten déi meeschtens doheem ze fannen sinn, alles kanns u spannende Rezepter a Menüen zauberen?
Mat dëser Fro beschäftege sech de Laurent an de Michel vun der Ecole du Goût an der Naturparkschoul vun den Naturparken. Och ganz ouni schonn emol eng kéier gekacht ze hunn, kënne mir eege Rezepter erfannen, opschreiwen an natierlech och kachen an iessen. Lee also scho mol ee Blat an ee Bläistëft prett, setz dech mat dengem Tablet oder Computer an d’Kichen a sief gespaant. Lo gëtt geschmaacht, gericht, gekacht a giess!
Du brauchs: een Dëppen, ee Knäipchen, ee Brietchen, eng Kachplack, bësse Reschter Geméis (Muerten, Gromper, Poretten, Paprika, Courgette, Zellerie asw. - wat der grad am Frigo hutt), Ënnen, Knuewelek, Ram, Gewierzer a Salz.
An Zesummenaarbecht mat der Naturparkschoul & der Ecole du Goût

Ca. 30min.

Mam Betsy

Kenns du de Kuckuck? Dat ass deen dee sou schéin...jo, genee... Kuckuck rifft! Ma dem Kuckuck säi Fiedermantel ass leider net esou wéi säi Gesang...hien ass nämlech gro, vun uewe bis ënnen. Laaaaaaangweileg, wéi hie fënnt, an dofir souert hien de léiwe laangen Dag op sengem aascht ronderem. Ma dat Gesouers bleift net laang ongehéiert...

Den Tim an d’Mim sinn alleng doheem. “Gitt mer gutt op d’Gaardepiertchen uecht!” hat d’Mamm gesot, an hatt domat gemengt, si sollen oppassen, dass keen era kënnt. Ma doheem gëtt d’Spill hinne séier langweileg a si décidéieren, an de Bësch spillen ze goen. Mee…wat maachen se da lo mat der Gaardepiertchen? Ganz einfach; si huelen se mat!

Ca. 20 min.

Mam Lynn

Haut um ireschen Nationalfeierdag, dem St. Patrick's Day, sange mir en irescht Vollekslidd mat Bodypercussion. Dobäi bastele mir och en Talking Stick. Heifir braucht dir: ee Bengel oder Aascht, faarweg Woll oder Kotteng, e bësse Pech an eng Schéier.  

ca. 30 min

Mam David

Du hues Zauberei gären an du wëlls och gäre flott Zaubertricker léiren? Ma dann bass du hei richteg!

An dësem Workshop wäerte mir zesumme ganz flott Kartentricker léieren, déi esou wuel Grouss wéi Kleng wäerte begeeschteren! An dat Flottsten dobäi ass, datt, obwuel déi Tricker impressionnant sinn, se awer ganz einfach ze léire sinn! Also zéck net laang, huel däi Kaartespill a lass geet et!

Heifir braucht dir:
- e normaalt Kaartespill

ca. 40 Minutten

Mam Tessy an Nathalie

Du beweegs dech gär villfälteg?! Du danz gäre mol mat dengem Petzi op Musek oder beweegs dech wéi en Déier? Da sinn dës flott Beweegungsaufgabe genau dat richtegt fir dech.
Wat s du brauchs: e Petzi an e Loftballon

ca. 45 Minutten