Mam Bob

Am Rhythmusdschungel ass eng mega lass! Kee Wonner - ee coole Rhythmus mécht ëmmer gutt Laun, Loscht fir Musek ze spillen, ze sangen an natierlech ze danzen. Komm zesumme mam Bob op en Ausfluch an de Rhythmusdschungel, wou mir all des Saache mat Spaass wäerte maachen.

Ca. 30 Min.

Mam Annick

Wëlls du eng Bänkelchen hunn fir beim schéine Wierder am Gaart ze sëtzen, e Picknick ze maachen oder e Buch ze kucken? Da brauchs du eng Hëllef vun engem Erwuessenen an als Material: Holzbrieder, e Bläistëft, e Meeter, eng See, eng Buermaschinn, Schrauwen, Schläifpabeier, e Pinsel an Acrylfaarf.

Ca. 30min.

Mam Zauberer David

Du hues Zauberei gären an du wëlls och gäre flott Zaubertricker léieren? Ma da bass du hei richteg! An dësem Workshop wäerte mir verschidde vereinfacht Klassiker aus der Zauberei léieren. Um Programm stinn d’Becherspill (Cups and Balls), Seeltricker, Schwammbäll, e zerappten Nuesschnappech, dat erëm ganz gëtt a Predictioune mat Kaarten! Also wann s du schonn ëmmer wolls e groussen Zauberer ginn, an och bereet bass fir e bëssen ze üben, dann ass dëse Workshop wéi fir dech gemaach! Zéck also net laang, huel deng Zaubersaachen an da kann et lassgoen! Heifir brauchs du: - 1 Kaartespill - 3 Becher mat 4 Bäll - Schwammbäll - Nuesschnappecher oder Toilettepabeier - 3 Stécker Seel.

Ca. 40 Minutten

Mam Betsy

Fäerts du Spannen? Also ech net…an trotzdem erféieren ech mech all Kéiers, wann ech eng Spann bei mir doheem entdecken. Grad dann, wa se sou richteg gutt déck ass. Meeschtens sëtzen se am Eck… vum Zëmmer, vum Schaf oder vun der Buedbidden, gell? Ma hues du dech schon eemol gefrot, firwat dat esou ass? Nee? Kee Problem, ech erzielen der et!

Ca. 20 min

Mam Eileen

Wärend dëser halwer Stonn kanns du zesumme mam Eileen éischt Yoga-Übungen ausprobéieren. Spilleresch léiers du däi ganze Kierper wouer ze huelen.

ca.30 Minutten