D’Buch vum Dr. Jean-Luc Lehners, engem Expert aus dem Gebitt vun der Kosmologie, mam Titel ,,Die Erde ist mein Raumschiff – Eine kurze Einführung in das Weltall", dat vun der daVinci asbl an Zesummenaarbecht mat anere Partner, dorënner dem SCRIPT, erausgi ginn ass, erméiglecht et de Kanner, Wëssenschaft an Technologie ze entdecken an hiert Interessi u MINT (Wëssenschaft, Technologie, Ingenieurswiesen a Mathematik) ze entwéckelen. Dëst ass eng Prioritéit vum Ministère fir national Bildung, Kanner a Jugend. D’Buch ,,Die Erde ist mein Raumschiff’ erweidert d’Angebot u Ressourcë fir déi naturwëssenschaftlech Bildung zu Lëtzebuerg.
Dëst Buch erméiglecht et Schülerinnen a Schüler, de Weltraum ze entdecken an eis Äerd aus engem anere Bléckwénkel kennenzeléieren, wéi e Raumschëff, dat ëm d’Sonn flitt. D’Thema Weltraum, dat Kanner aus allen Altersgruppe faszinéiert, erméiglecht hinnen, verschidde Fächer, déi e Lien mat Naturwëssenschaften, Technik, Mathematik an der Wëssenschaftsgeschicht sinn, ze erfuerschen.
D’Buch ass virun allem fir Schülerinnen a Schüler aus dem Cycle 4 aus der Grondschoul an déi ënnescht Klassen aus dem Secondaire classique a general geduecht. Et ka souwuel am Klassenzëmmer wéi och doheem an der Famill gelies ginn.
Dës Säit ass fir Schülerinnen a Schüler souwéi fir d'Léierpersonal reservéiert. Loggt Iech wgl. hei drënner an.
Wann Dir Froen hutt oder psychologesch Betreiung braucht, da rufft w.e.g. d'Nummer 8002 9090 un oder fëllt folgende Formulaire aus:
