Jeu de calcul mental

Bei dësem Spill soll een eng Zuel, déi ugi gëtt, mat Hëllef vu fënnef aneren Zuele kréien.

Fir dat ze maachen, dierfen déi véier Operatiounen (+, -, x, :) benotzt ginn. 

Oflaf

Et gëtt eng Zuel tëschent 10 a 69 uginn. Dat ass d’Zilzuel, déi een areeche soll. Et gi fënnef wieder Zuelen uginn: 

-eng Zuel tëschent 1 a 4 

-eng Zuel tëschent 1 a 6 

-eng Zuel tëschent 1 an 8 

-eng Zuel tëschent 1 an 12 

-eng Zuel tëschent 1 an 20 

Mat dëse 5 Zuele soll d’Zilzuel duerch d’Benotze vun de 4 Operatiounen erreecht ginn. All Zuel dierf just eemol benotzt ginn. 

Wéi vill méiglech Rechnunge ginn et? 

Wie fënnt de kierzte Wee? 

Wie fënnt de längste Wee? 

Wie kritt Divisiounen a Subtraktiounen agebaut? 

Tipps an Tricks

Am Cycle 2 kann een sech eng Zilzuel tëschent 1 an 20 wielen. D’SchülerInne solle just duerch Additiounen a Subtraktioune versichen d’Zilzuel ze areechen. Dofir dierfen si just 4 Zuelen auswielen. D’Zoufallszuel tëschent 1 an 20 gëtt ewech gelooss. 

Op der Websäit vu Mathador (https://www.mathador.fr/index.php#maison) fënnt een demnächst zwou gratis Apps. D’Iddi vun dësem Spill staamt aus engem Spill vu Mathador.