Shutterstock/tomertu

Geschichten op Lëtzebuergesch fir déi Kleng

CNL – Lëtzebuerger Literaturarchiv – youtube-Channel fir Literatur

De Centre national de littérature – Lëtzebuerger Literaturarchiv (CNL) wënscht sech datt Kanner a Jugendlecher, déi elo doheem bleiwe mussen, déi Zäit niewent de schouleschen Aufgaben och dofir notzen, d‘ Kanner- a Jugendliteratur aus Lëtzebuerg kennenzeléieren an dat mat Liesungen um YouTube-Channel vum CNL. De Programm riicht sech un déi ganz Kleng, awer och u Jugendlecher, also vum Cycle 1 bis an de Secondaire. Eng sëlleche Geschichte si bekannt, well se och am Lies a Fléi – de Katalog recommandéiert ginn.

https://www.youtube.com/channel/UC0iD4qteiFZy5iRlRG0pwxQ


Joffer liese mer haut eng Geschicht ?

Eng engagéiert Léierin liest mam Averständnes vun den Auteuren a Verlagshaiser aus Kannerbicher fir, fir de klénge Kanner doheem e klénge Moment aus dem Schoulalldag ze schenken. D’Geschichten, déi op Lëtzebuergesch erzielt ginn, riichten sech u Kanner aus dem Cycle 1, et kënnen awer och méi al Kanner oder Geschwëster Gefalen doru fannen.

https://www.youtube.com/channel/UCfhadHahUH87Uc9D967v75Q/feed


Potty Lotty

D’Potty Lotty erzielt jonke Kanner Geschichten, an deenen si sech liewhaft an d’Szen setzt. D’Geschichten, déi op Lëtzebuergesch erzielt ginn, riichten sech u Kanner aus dem Cycle 1, et kënnen awer och méi al Kanner oder Geschwëster Gefalen doru fannen.

https://www.youtube.com/channel/UCTXLOF27KxFvS9zJJDsMYKw


Schkabetti

Geschichten op Lëtzebuergesch fir Kanner aus dem Cycle 1 vum Annick Sinner erzielt a vum Eric Falchero musikalesch ënnermoolt.

https://www.youtube.com/channel/UCVkkxpJl4_6XNEQODFxhvpA/featured


De Pierchen an de Wollef

De Pierchen an de Wollef vum Sergueï Prokofiev ass wuel ee vun de bekanntste Musekmärercher fir Kanner. D’Zil vum Wierk ass et, dass d‘Kanner d‘Instrumenter aus engem Symphonieorchester kenneléieren.

Dës Versioun erzielt déi bekannt Geschicht kannergerecht op Lëtzebuergesch. D’Märchen ass musikalesch ënnermoolt, an all Instrument gëtt eenzel virgestallt a bei déi passend Figur zougeuerdent.

https://dpav.script.lu/de-pierchen-an-de-wollef/

Helpline

Wann Dir Froen hutt oder psychologesch Betreiung braucht, da rufft w.e.g. d'Nummer 8002 9090 un oder fëllt folgende Formulaire aus: