CDA - Centre pour le développement des apprentissages Grande-Duchesse Maria Teresa

Léiw Elteren,

Et ass eng schwiereg Aufgab, Iech als Elteren a virun allem als Eltere vu Kanner mat spezifesche Besoinen, hei op dëser Plaz Hëllef an Ënnerstëtzung unzebidden. Déi aktuell Situatioun ass fir Iech als Elteren, awer och fir Är Kanner an dat ganzt Ëmfeld ongewinnt an zum Deel immens belaaschtend.

Oft stellt sech déi ,,normal‘‘ Hausaufgabensituatioun als eng grouss Erausfuerderung duer. Dës Erausfuerderung stellt sech elo all Dag, an net nëmmen am Moment vun den Hausaufgaben, mee och fir alles Aneres: de Cours doheem, d’Spillen, d’Familljeliwen eventuell och den Homeoffice asw.

Dat stellt net nëmmen den Alldag op d’Kopp, mee kann och d’Bezéiung Elteren-Kand op d’Prouf stellen.

Hei fannt Dir e puer Tipps/Iddien, fir méiglechst gutt duerch dës schwiereg Zäit ze kommen.

Tipps/Iddien

• Konzentréiert Iech op d’Stäerkte vun Ärem Kand an haalt Iech net ze laang mat de Schwächten op..
• Gitt Ärem Kand Erhuelungsphasen tëscht den Aufgaben, den 1:1- Kontakt ass immens ustrengend, och fir Äert Kand.  

• Notzt déi Zäit, déi dir zesummen hutt, fir schéin Erfarungen zesummen ze hunn. Hei bidden sech alldeeglech Tâchen un, déi am Haus a ronderëm ufalen (kachen, backen, botzen, am Gaart schaffen, bitzen asw. )
• Manner ass heiansdo méi: Schwätzt mat der Léierpersoun vun Ärem Kand, wann dir mierkt, dass den erwaarte Pensum ze vill ass.  

Ganz wichteg:  Sëtzt iech net ze vill ënner Drock! Dir leescht am Moment Groussaarteges!