Léif Schüler, léif Elteren, léif Enseignanten,

Wéi schonn dat lescht Joer, gëtt och erëm virun der nächster Schoulrentrée d'Summerschool organiséiert. Vum 30. August bis den 10. September 2021 kënnen d'Schüler aus dem Fondamental an dem Secondaire vu fräiwëllegen a gratis Nohëllefscoursë profitéieren.

D’Nohëllefscoursë baséieren op themateschen Dossieren, déi vum Ministère ausgeschafft goufen. Vum 15. Juli u kann een och op dës Dossieren hei um Site iwwer de Schüler-IAM zougräifen. Esou kënnen och d’Schüler, déi net un der Summerschool deelhuelen, d’Matière autonom oder mat hirer Famill opschaffen, fir d’Rentrée ze preparéieren.

Wann Dir Froen zu Schoul doheem oder der Summerschool hutt, kënnt Dir d’Helpline 8002-9090 kontaktéieren.

Iech all eng schéi Vakanz a bleift gesond!

Claude Meisch

Minister fir Educatioun, Kanner a Jugend